मला एकदा जगायचयं...

माणसांच्या गर्दीमध्ये हरवलेल्या या दुनियेत
मला माझं आस्तित्व शोधायचयं
माझ्या जीवनाचं ध्येय समजावुन घ्यायचयं
थोडा वेळ निवांत बसुन मला स्वत: ला आजमावयचयं
मला एकदा जगायचयं...

मी कोण,काय करतेय,काय करायचयं?
कसे करणार आहे, कधी करणार आहे?
या प्रश्नांची मला उतारे हवीतं
सगळया गर्दीला सारुन मला अलिप्त राहायचयं
मला एकदा जगायचयं...

पक्ष्यांची किलबिल, झोंबणारा वारा
बाळाचे बोबडे बोल,पहिल्या पावसाचा सुगंध
कॊजागिरीचा चंद्र,मावळता सुर्य़
रोरावणारा समुद्र,झाडांचे धुमारे
सगळं नव्याने अनुभववायचयं,साठावचयं
मला एकदा जगायचयं...

पावसाचा थेंब बनुन तहानलेल्याला शमवायचयं
वटवृक्ष बनुन दमलेल्यांना विसावायचयं
सुर्यासारखा प्रकाश,चंद्राचा थंडावा द्यायचायं
इंद्रधनुष्याच्या रंगाने सगळयांना खुलवायचयं
दुसरयांना सुखावताना मला सुखावायचयं
मला एकदा जगायचयं....


स्वत:भोवती फिरणारया या जगांत
मला माझ्या वाटेवरुन चालायचयं
तुमच्यासारख्या मित्रांची साथ मिळावयचीयं
जे जे सुंदर आहे ते इतरांना दाखवायचयं
मला असं हे जीवन जगायचयं...
मला एकदा जगायचयं